Սա Արթիկ խոշորացված համայնքի Վարդաքար բնակավայրի միջհամայնքային ճանապարհն է, որի շինարարության մեկնարկը տրվել է նախորդ տարվանից պետբյուջեի միջոցներով: Ճանապարհի կառուցումը զերծ կպահի արտերը վնասելուց, քանի որ նախկինում բեռնատարներն անցել են արտերով գցված ճանապարհով: Այն կկրճատի Վարդաքար բերող ճանապարհը մի քանի կմ-ով եւ կօգնի ծանրաբեռնվածությունից բեռնաթափել հյուսիս- հարավ ճանապարհը: 5կմ-ից ավելի երկարություն ունեցող Վարդաքար-Այգաբաց միջհամայնքային ճանապարհը կենսական նշանակություն կունենա ոչ միայն իրենց բնակավայրի համար. նշում է Վարդաքարի վարչական ղեկավարը: Տարվող աշխատանքների մասին բնակիչների եւ ճանապարհով հաճախ երթեւեկողների կարծիքները տարբեր են:
