Հինգշաբթի Վրաստանի լեռնային Ռաճա-Լեչխումիի շրջանի Շովի առողջարանային քաղաքում սողանք է սկսվել, որի հետևանքով վնասվել են կամուրջներ ու ճանապարհներ, ինչպես նաև զբոսաշրջային քոթեջներ և «Սանսեթ Շովի» հյուրանոցը։ Ներքին գործերի նախարարությունն անմիջապես սկսել է բնակիչների տարհանումը: Վրացի փրկարարները երկու օրվա ընթացքում տարհանել են 210 մարդու, որոնողափրկարարական աշխատանքների արդյունքում հայտնաբերվել է 6 մարդու դի։
Փրկարարական աշխատանքները շարունակվում են։ Ուղղաթիռները թռիչքներ են իրականացնում մարդկանց կուտակումների վայրեր, որոնք տարերքի պատճառով կտրվել են արտաքին աշխարհից:
Վրաստանի կառավարության մամուլի ծառայությունը հայտնել է, որ աղետի վայր է մեկնել Վրաստանի վարչապետ Իրակլի Ղարիբաշվիլին։
