Դոնեցկի և Լուգանսկի, Զապորոժիեի և Խերսոնի շրջաններում առաջիկա հանրաքվեները կխոչընդոտեն Ուկրաինայում իրավիճակի դիվանագիտական կարգավորմանն ուղղված ջանքերը՝ ասված է Թուրքիայի ԱԳՆ հաղորդագրության մեջ։
«Անհանգստացած ենք Ռուսաստանի վերահսկողության տակ գտնվող ուկրաինական տարածքներում միակողմանի հանրաքվեներ անցկացնելու փորձերով: Միջազգային հանրությունը չի ճանաչի այդ անօրինական քայլը: Հանրաքվեները կհանգեցնեն անկայունության խորացմանը»,- նշված է փաստաթղթում։
Թուրքիայի ԱԳՆ-ը վերահաստատել է իր աջակցությունը Ուկրաինայի տարածքային ամբողջականությանը, անկախությանը և ինքնիշխանությանը:
«Այդ մասին հայտարարել ենք դեռ 2014 թ. Ղրիմի անօրինական բռնակցումից հետո»,- հավելել են գերատեսչությունում:
Նախօրեին Վլադիմիր Պուտինը հայտարարել է, որ Դոնբասի ժողովրդական հանրապետությունների խորհրդարանները, ինչպես նաև Խերսոնի և Զապորոժիեի ռազմաքաղաքացիական վարչակազմերը որոշել են հանրաքվեներ անցկացնել Ռուսաստանին միանալու համար: Նրա խոսքով՝ Ռուսաստանը կաջակցի մեծամասնության որոշումը:
