Կրասնի Լիման քաղաքն ամբողջությամբ անցել է ռուսական կողմի վերահսկողության տակ: Այդ մասին հայտնել է Ռուսաստանի պաշտպանության նախարարության պաշտոնական ներկայացուցիչ Իգոր Կոնաշենկովը:
Նրա խոսքով՝ Ուկրաինայում հատուկ գործողության սկզբից ի վեր՝ ռուսական զորքերը ոչնչացրել են ավելի քան 3200 ուկրաինական տանկ և զրահամեքենա, 1000-ից ավելի անօդաչու թռչող սարք։ Խոցվել է կենդանի ուժի և ռազմական տեխնիկայի կենտրոնացման ավելի քան 600 շրջան։
Ուկրաինայի ցամաքային ուժերը նույնպես հայտնում են ռուսական ուժերին հասցրած վնասների մասին։ Փետրվարի 24-ից խոցվել է ավելի քան 1300 ռուսական տանկ, շուրջ 3200 զրահատեխնիկա, 500-ից ավելի ԱԹՍ։
Պաշտպանության նախարար Ալեքսի Ռեզնիկովը տեղեկացրել է, որ Ուկրաինան հրետանային ինքնագնաց կայանք է ստացել, առաջնագծում արդեն աշխատում է 155 մմ տրամաչափի 3 տեսակի հրետանի։
«Ստացել ենք նաև ավելի քան 100 ամերիկյան անօդաչու թռչող սարք, բայց, իհարկե, ավելի շատ զենք ենք ուզում ստանալ»,- շեշտել է պաշտոնյան։
Միևնույն ժամանակ Ուկրաինայի պաշտպանության փոխնախարարը հերքել է Լիմանը գրավելու մասին ռուսական կողմի հայտարարությունը, նշել՝ քաղաքի համար կատաղի մարտերը շարունակվում են։
