ՌԴ Պետդումայի նախագահ Վյաչեսլավ Վոլոդինը երկուշաբթի հանդիպել է Ադրբեջանի նախագահ Իլհամ Ալիևի հետ՝ քննարկելու միջխորհրդարանական երկխոսության ակտիվացման թեման։
«Մենք կփնտրենք նոր ձևաչափեր՝ Ռուսաստանի և Ադրբեջանի ռազմավարական նշանակության հարցերին լուծումներ առաջարկելու համար»,- հանդիպման ժամանակ ասել է Վոլոդինը։
Նա ընդգծել է, որ Պետդուման և Միլլի մեջլիսը պետք է աշխատեն երկու երկրի միջև դաշնակցային համագործակցության մասին հռչակագրի իրականացմանն ուղղված օրենսդրական աջակցության վրա։
Ադրբեջանի նախագահը հույս է հայտնել, որ Ռուսաստանի Դաշնության հետ միջխորհրդարանական շփումները կշարունակվեն, այդ թվում՝ միջազգային հարթակներում։
