Ֆրանսիական կողմի նախաձեռնությամբ այսօր հեռախոսազրույց է տեղի ունեցել Ռուսաստանի նախագահ Վլադիմիր Պուտինի և Ֆրանսիայի նախագահ Էմանուել Մակրոնի միջև:
Կողմերը լուրջ մտահոգություն են հայտնել ԼՂ հակամարտության գոտում շարունակվող լայնամասշտաբ բախումների և դրանում Սիրիայից և Լիբիայից ժամանող ծայրահեղականների առավել ակտիվ ներգրավման առնչությամբ:
Վլադիմիր Պուտինը Էմանուել Մակրոնին մանրամասն տեղեկացրել է Ռուսաստանի կողմից ձեռնարկվող քայլերի մասին՝ կրակի դադարեցման և քաղաքական և դիվանագիտական լուծում ապահովելու ուղղությամբ:
Նրանք վերահաստատեցին Ռուսաստանի և Ֆրանսիայի համաձայնեցված միջնորդական ջանքերը շարունակելու փոխադարձ տրամադրվածությունը, այդ թվում` ԵԱՀԿ Մինսկի խմբի շրջանակներում: