Ռուսաստանի նախագահ Վլադիմիր Պուտինը հեռախոսազրույց է ունեցել Ադրբեջանի նախագահ Իլհամ Ալիևի հետ, շնորհավորել նրան վերընտրման կապակցությամբ:
«Վլադիմիր Պուտինը ջերմորեն շնորհավորել է Ադրբեջանի Հանրապետության նախագահ Իլհամ Ալիևին արտահերթ նախագահական ընտրություններում տարած համոզիչ հաղթանակի կապակցությամբ և մաղթել նորանոր հաջողություններ պետական նման բարձր պաշտոնում աշխատելիս:
Հաստատվել է փոխադարձ շահագրգռվածությունը ռուս-ադրբեջանական ռազմավարական գործընկերության և դաշնակցության հետագա զարգացման հարցում։ Պայմանավորվածություն է ձեռք բերվել շարունակել անձնական շփումները»,- նշված է Կրեմլի հաղորդագրության մեջ:
Պուտինի անունից Ալիևին նաև շնորհավորական հեռագիր է ուղարկվել:
