Պակիստանի հարավարևելյան Սինդ նահանգում՝ Նավաբշահ քաղաքի մոտակայքում, գնացքի 10 վագոն դուրս է եկել ռելսից։
Վթարի պատճառով առնվազն 30 մարդ է զոհվել, տուժածների թիվն անցնում է 80-ից՝ հայտնում են տեղական լրատվամիջոցները։
Լրատվամիջոցների տվյալով՝ դեպքի վայրում աշխատում են փրկարարների բրիգադներն ու զինվորականները։ Շրջանի բուժհաստատություններում արտակարգ դրություն է հայտարարվել։ Այդ ճանապարհին գնացքների երթևեկությունը դադարեցվել է։
Գնացքի կործանման պատճառները դեռ հայտնի չեն:
