Ուկրաինան ինքն է ընտրել Գոմելը Ռուսաստանի հետ բանակցությունների համար.Պեսկով

27.02.2022 - 16:06 դիտում

Ուկրաինական կողմն ինքն է Գոմելն առաջարկել է որպես Ռուսաստանի հետ բանակցությունների վայր, կիրակի լրագրողներին ասել է ՌԴ նախագահի մամուլի քարտուղար Դմիտրի Պեսկովը։

«Ռուսական պատվիրակությունը տեղում պատրաստ է բանակցություններին: Այն գլխավորում է Ռուսաստանի նախագահի օգնական Վլադիմիր Մեդինսկին: Առաջիկայում նա հանդես կգա համապատասխան հայտարարությամբ»,- ասել է Պեսկովը և հավելել.

«Մենք զգուշացրել ենք ուկրաինական կողմին, որ այս անգամ ռազմական գործողությունները չեն դադարեցվի, ինչպես դա արվեց երեկ»:

Ավելի վաղ Ուկրաինայի նախագահ Վոլոդիմիր Զելենսկին հայտարարել էր, որ Բելառուսում անհնար է բանակցություններ վարել, քանի որ այդ հանրապետության տարածքից ագրեսիվ գործողություններ են իրականացվում Ուկրաինայի նկատմամբ։

Բելառուսի նախագահ Ալեքսանդր Լուկաշենկոն էլ պատասխանել էր, որ Ուկրաինայում չկա բելառուսցի զինվորական և բելառուսական զենք։

0 մեկնաբանություն
0

ՆՄԱՆԱՏԻՊ ՀՈԴՎԱԾՆԵՐ