Ուկրաինայի զինված ուժերը ռուսական հատուկ ռազմական գործողության ընթացքում կորցրել են իրենց ծանր սպառազինության մոտավորապես 50 տոկոսը, ամերիկյան National Defense ամսագրին ասել է ուկրաինացի գեներալ Վլադիմիր Կարպենկոն։
«Ես խոսում եմ միայն ծանր զինատեսակների մասին։ Մոտ 1300 հետևակի մարտական մեքենա, 400 տանկ և 700 հրետանային համակարգ է ոչնչացվել»,- ասել է ցամաքային զորքերի նյութատեխնիկական ապահովման հրամանատար գեներալը։
ՌԴ ՊՆ-ի տվյալներով՝ հատուկ ռազմական գործողության սկզբից ի վեր ոչնչացվել են 205 ինքնաթիռ, 131 ուղղաթիռ, 1233 անօդաչու թռչող սարք, 342 զենիթահրթիռային համակարգ, 3587 տանկ և այլ զրահատեխնիկա, 539 մարտական մեքենա՝ բազմակի հրթիռային կայաններ, 2013 դաշտային հրետանի և ականանետներ, ինչպես նաև 3658 միավոր հատուկ ռազմական մեքենա։
Պենտագոնի տվյալներով՝ միայն ԱՄՆ-ը Կիևին է տրամադրել ավելի քան 1,4 հազար Stinger համակարգեր, ավելի քան 700 Switchblade անօդաչու թռչող սարքեր, 20 Mi-17 ուղղաթիռներ, 126, 155 մմ տրամաչափի հաուբիցներ և 260 հազար արկ, ինչպես նաև 6,5 հազար հակատանկային հրթիռային համակարգ, Javelin և այլ տիպի ավելի քան 20 հազար հակատանկային համակարգեր։
