Ալեքսան Հակոբյանի անվան թենիսի և սեղանի թենիսի մանկապատանեկան մարզադպրոցի սաներն ընթացիկ մարզական տարվա 1-ին կիսամյակում աչքի են ընկել լավ արդյունքներով Հայաստանի պաշտոնական մրցաշարերում: Մինչև տասը տարեկանների մրցակցությունում 1-ին տեղ է գրավել Սամվել Գևորգյանը: 12 տարեկանների մեջ արծաթե մեդալակիր է դարձել Մանվել Աղայանը, 16 տարեկանների զուգախաղում հաղթողի պատվանդանին է կանգնել Սամվել Աղայանը, իսկ 18 և ավելի տարիք ունեցողների պայքարում Սամվելը դարձել է արծաթե մեդալակիր: