Զայրացած ղարիբջանյանցիները կրած վնասի մասին են բողոքում: Բայց պատկերը միայն տնամերձ հողատարածքներում չէ, դաշտ եւս ոռոգման ջուր չի հասնում: Ախուրյան խոշորացված համայնքի Ղարիբջանյան գյուղում տարիներ շարունակ ոռոգման ջրի խնդիրը եղել ու շարունակում է մնալ եւ այս մասին ահազանգելուց բացի, օրեր առաջ ղարիբջանյանցիները եւ Գետք բնակավայրերի բնակիչները փակել էին Գյումրի-Արմավիր ճանապարհի՝ Ղարիբջանյանի հատվածը՝ պահանջելով խնդրին լուծում տալ: Պատասխանատու կողմերի հետ հանդիպումից հետո ճանապարհը բացվել է: Պարզվում է՝ Շիրակի ՋՕ-ի հետ Ղարիբջանյանը պայմանագիր չունի, ուստի, չկա վճարում, չկա նաեւ ջուր մատակարարելու պարտականություն. նշում են պատասխանատուները:
