Ադրբեջանամետ մի շարք լրատվականներում սկսեց տարածվել հայտարարություն այն մասին, թե Արցախի Հանրապետությունում ձևավորվել է «ահաբեկչական» նոր խմբավորում՝ ՈՄԱ (Ողջ մնալու արվեստը) անունով։ Նշվում էր, թե կազմավորումը բաղկացած է տարբեր երկրներից ժամանած կամավորներից, որոնք տեղակայված են Ադրբեջանի տարածքին շատ մոտ։
Այս մասին տեղեկանում ենք infocheck.am-ից:
Որպես ապացույց կցվեցին նաև լուսանկարներ՝
Ադրբեջանի գլխավոր դատախազությունը շտապեց քրեական գործ հարուցել Արցախի Հանրապետությունում գործող «ահաբեկչական խմբավորման» դեմ։
«Ողջ մնալու արվեստը» (ՈՄԱ-ն) իրականում նորաստեղծ կազմակերպություն չէ, և, առավել ևս, չի գործում Արցախի Հանրապետության տարածքում։ Այն ստեղծվել է առաջին հետախուզադիվերսիոն խմբի հիմնադիր Վովա Վարտանովի կողմից՝ Հայաստանի Հանարապետությունում։ ՈՄԱ-ն մշակվել է առաջին հետախուզադիվերսիոն խմբի վետերանների կողմից, և նպատակ ունի ստեղծել ավելի մարտունակ հասարակություն։
Կենտրոնը այժմ ամեն օր մարտական պատրաստության դասընթացներ է անցկացնում կամավորների և աշխարհազորայինների համար։ Ուսուցանվում են նաև առաջին բուժօգնության համար անհրաժեշտ հմտություններ։
Լուսանկարները՝ ՈՄԱ-ի ֆեյսբուքյան էջից
Ադրբեջանական աղբյուրներում հրապարակված լուսանկարները, որոնք, իբրև, ապացուցում են նորաստեղծ ակաբեկչական խմբավորման գործողությունները Արցախում, իրականում արվել են 2017 թվականին՝ հերթական վերապատրաստման ժամանակ։
