Ապրիլի 8-ին «Էրեբունի» օդանավակայան վայրեջք կատարող ինքնաթիռը, ըստ շրջանառվող լուրերի, պետք է 50 գերի բերեր Հայաստան: Այն ժամանեց, բայց դատարկ: Այսօր ապրիլի 9-ի վաղ առավոտից շիրակցի գերեվարվածների ծնողները փակել են մարզ մտնող ճանապարհները, այդ թվում՝ երկաթուղին: Չնայած վիշտը մեծ է, բայց չի կուրացրել, բացառություններ կան. ճանապարհը բացվում է շտապօգնության, հիվանդ տեղափոխող մեքենաների համար: Փակ էր նաեւ Մարմաշեն խոշորացված համայնքի Ջաջուռ բնակավայրի ավտոճանապարհն ու երկաթուղին: Ծնողները կշարունակեն փակ պահել ճանապարհները մինչեւ կամ ժամկետներ չնշվեն, կամ իրենց հետ հանդիպման չգան իշխանությունից ու բավարար պատասխան չտան:
