Հայկավանի, Գետքի, Ամասիայի ու Շիրակի մարզի այլ գյուղերի որակյալ չեչիլ պանրի տեսականին մեկ տեղում է: Տնական ու բնական հումքից պատրաստված թել-թել պանրի զանազան տեսականին շիրակցի տնտեսուհիներն ու փոքր ձեռներեցները ներկայացրել են սպառողի դատին: «Խաչմերուկ» կրթական-խորհրդատվական կենտրոն հիմնադրամի նախաձեռնությամբ կաթնամթերքի մշակմամբ զբաղվող անձանց համար իրականացվել է վերապատրաստում, այնուհետեւ նախաձեռնությունն ամփոփվել է չեչիլ պանրի փառատոնի շրջանակներում. արտադրողը ցուցադրել է , հյուրասիրել ու վաճառել արտադրածը Գյումրու Վարպետաց փողոցում:
Շիրակյան չեչիլ պանրի լայն տեսականին՝ Գյումրու Վարպետաց փողոցում
