Գաղտնիք չէ, որ գյուղատնտեսության մեջ գարնանացանի ծավալները կախված են սերմացուի, դիզվառելիքի ու պարարտանյութերի գներից,իսկ բերքատվության երաշխիքը ոռոգման ջրի կուտակվող պաշարներն են։ Այս տարի ՇՄ-ի շատ գյուղական համայնքներում բնակիչներն ահազանգում են, որ գյուղացին սերմացուի աջակցություն չի ստանալու, իսկ պարարտանյութի սուբսիդավորումը մինչեւ 3 հեկտար հողօգտագործողների համար է։ Խնդիրը մասնագետները քննարկեցին Գյումրու Երկխոսության Մեդիա կենտրոնում։ Ախուրյան խոշորացված համայնքի ղեկավարի տեղակալ Վարդան Իկիլիկյանը , խոսեց ոչ միայն պարարտանյութի պակասի, այլ նաեւ որակի մասին , որի հետ շատ հաճախ է բախվում գյուղացին։