ՄԱԿ-ում Ռուսաստանի մշտական ներկայացուցիչ Վասիլի Նեբենզյան լքել է Անվտանգության խորհրդի նիստերի դահլիճը՝ Եվրոպական խորհրդի ղեկավար Շառլ Միշելի՝ Մոսկվայի հասցեին մեղադրանքներից հետո, գրում է ՌԻԱ «Նովոստի»-ն։
Հաղորդվում է, որ Միշելը Կրեմլին մեղադրել է համաշխարհային պարենային ճգնաժամի համար։ Բացի այդ, նա մեղադրել է Ռուսաստանին Ուկրաինայի նավահանգիստներն արգելափակելու և հացահատիկ գողանալու համար։
Նեբենզյան չի լսել նրա ելույթը և հեռացել է։
Իր հերթին ՄԱԿ-ում Ռուսաստանի մշտական ներկայացուցչի առաջին տեղակալ Դմիտրի Պոլյանսկին ուշադրություն է հրավիրել «արևմտյան գործընկերների կողմից հնչեցված չհիմնավորված մեղադրանքների ճնշող աստիճանի վրա»։
«Եվրոպական խորհրդի նախագահ Շառլ Միշելը նույնպես, ի հեճուկս փաստերի, մեղադրեց մեզ պարենային ճգնաժամ հրահրելու համար։ Նա այնքան համարձակ և կոպիտ խոսեց, որ Ռուսաստանի մշտական ներկայացուցիչը լքեց դահլիճը։ Զարմանալի է, թե որքան են դեգրադացվել Եվրամիությունը և նրա ղեկավարները», – գրել է նա Telegram ալիքում։
