Վարչապետի պաշտոնակատար Նիկոլ Փաշինյանը կառավարությունում հյուրընկալել է Եվրոպայի առաջնությունում և Օլիմպիական խաղերի վարկանիշային մրցաշարում հաջողություններ արձանագրած ծանրամարտի և ազատ ոճի ըմբշամարտի Հայաստանի հավաքականների անդամներին։
Հանդիպումից վարչապետը տեսանյութ է հրապարակել, որին կից գրել է. «Հաղթանակի այն զգացողությունը, որ պատճառեցիք Հայաստանի ժողովրդին՝ կրկնակի ավելի մեծ արժեք ունի: Հետպատերազմական այս շրջանում սեփական ուժերի նկատմամբ վստահությունն առանձնակի կարևոր է»: