Ապրիլի 29-ին և 30-ին Կազանում նախատեսված է Եվրասիական միջկառավարական խորհրդի հանդիպում՝ որին կմասնակցի նաև ՀՀ վարչապետի պաշտոնակատար Նիկոլ Փաշինյանը:
Ընդգծվում է, որ ԵԱՏՄ պետությունների կառավարությունների ղեկավարները կքննարկեն «Եվրասիական տնտեսական միության անդամ պետությունների՝ տիեզերական և երկրատեղեկատվական ապրանքների և ծառայությունների արտադրության ու տրամադրման ինտեգրված համակարգ» միջպետական ծրագրի իրականացումը՝ Երկրի հեռահար զոնդավորման տվյալների ազգային աղբյուրների հիման վրա» և տիեզերական ծառայությունների ոլորտում Միության երկրների համագործակցության հեռանկարները:
Բացի այդ, կքննարկվի Բելառուսի կողմից մանրածախ առևտրի ոլորտում Միության ներքին շուկայի գործունեության վերաբերյալ պարտավորությունների կատարման մասին ԵՏՀ Կոլեգիայի 2021 թվականի մարտի 1-ի № 24 որոշման չեղարկման հնարավորությունը:
Միջկառավարական խորհուրդը կքննարկի նաև էլեկտրոնային առևտրի զարգացման վերաբերյալ զեկույցը։
Օրակարգում զգայուն ապրանքների առանձին տեսակների արտահանման կարգավորման միջոցների միասնականացման հարցն է, բույսերի վտանգավոր վիրուսներից ԵԱՏՄ գյուղատնտեսական արտադրանքի շուկայի պաշտպանության միջոցառումները, Ղազախստանում արտադրվող և ԵԱՏՄ այլ երկրներ տեղափոխման համար նախատեսված ապրանքների համար սերիական արտադրանքի սերտիֆիկատի կիրառման ժամկետների երկարաձգումը:
Նախատեսվում է հաստատել Եվրասիական տնտեսական միության շրջանակներում արդյունաբերական համագործակցության հիմնական ուղղությունները մինչև 2025 թվականը:
Ապրիլի 30-ին տեղի կունենա ԵՏՀ-ի և Ուզբեկստանի միջև փոխգործակցության հուշագրի ստորագրման արարողությունը:
