Գյումրու մարզամշակութային կենտրոնում մեկնարկեց Հայաստանի նետաձգության առաջնությունը: Հայաստանի նետաձգության ֆեդերացիայի քարտուղար Պետրոս Ամիրյանի գնահատմամբ՝ Գյումրին տարիներ առաջ ունեցել է նետաձգության լավ դպրոց, ուստի, պատահական չէր, որ ֆեդերացիան որոշեց վերականգնել քաղաքում երբեմնի կորսված օլիմպիական այս մարզաձեւի դերն ու նշանակությունը: Այս առաջնությանը մասնակցում են Երեւանից եւ Գյումրուց 50 մարզիկներ:
