ԱՄՆ-ի համընդհանուր ընտրություններում քվեարկությունն ավարտվել է: Վերջինը երեքշաբթի տեղական ժամանակով 20: 00-ին (Երևանի ժամանակով չորեքշաբթի 10:00-ին) փակ էր Ալեուտյան կղզիների Ադյակ գյուղի ընտրատեղամասը, այնտեղ բնակվում է մոտ 300 մարդ:
Ըստ CNN հեռուստաընկերության նախնական հաշվարկների՝ Բայդենը ստացել է մինչ այժմ 215 ընտրական ձայն, իսկ Թրամփը՝ 165:
Ըստ Associated Press լրատվական գործակալության նախնական գնահատականների՝ նախագահի դեմոկրատ թեկնածու Ջո Բայդենը ստացել է ընդհանուր առմամբ 61,957,940 ձայն (49,8%) ԱՄՆ-ի Արևելյան ափի ժամանակով 00: 45-ի դրությամբ (09:45), իսկ նրա մրցակից հանրապետական Դոնալդ Թրամփը՝ 60,461,523 ձայն (48,6%):
ԱՄՆ համընդհանուր ընտրություններում երեքշաբթի ընտրվել են նախագահ և փոխնախագահ, 35 սենատոր, Ներկայացուցիչների պալատի 435 անդամ, նահանգի և տարածքի 13 նահանգապետեր և տեղական ինքնակառավարման մարմինների պաշտոնյաներ:
Թեկնածուն հաղթելու համար պետք է 538 ընտրական կոլեգիայի ձայներից հավաքի 270-ը: Ընտրական կոլեգիայի անդամների թիվը հավասար է ԱՄՆ Կոնգրեսի Սենատի (100) և Ներկայացուցիչների պալատի (435) անդամների ընդհանուր թվին, կոլեգիայում կա նաև երեք անդամ Կոլումբիայի շրջանից:
