Հայաստանի սպորտային մարմնամարզության պատմության մեջ առաջին անգամ աշխարհի բացարձակ գավաթակիրներ են դարձել մեր մարմնամարզիկներ Արթուր Դավթյանը (հենցատկ) և Վահագն Դավթյանը (օղակներ): Այդ մասին տեղեկացնում է Հայաստանի մարմնամարզության ֆեդերացիայի մամուլի ծառայությունը:
Մեր տղաները մասնակցելով աշխարհի գավաթների չորս փուլերից երեքին, նախապես նվաճել էին բացարձակ հաղթողի կոչումը: Գավաթի վերջին փուլը կայացել է Բաքվում, որտեղ պարզ են դարձել բացարձակ հաղթողները: Զարմանալի չէ, որ մարզիկներին հասանելիք մրցանակների վրա գրված է Բաքու-2022:
