44-օրյա պատերազմի հանգամանքները քննող ԱԺ հանձնաժողովի նիստին պաշտպանության նախկին նախարար Դավիթ Տոնոյանն առաջարկեց, որ հանձնաժողով հրավիրեն նաև երկրորդ ՊԲ հրամանատար Միքայել Արզումանյանին։
«Կարծում եմ, որ անհրաժեշտություն կա նրան լսելու։ Կարելի է միջնորդել դատարանին։ Այն շահարկումները, որ հիմա կան՝ Շուշիի հետ կապված, անընդունելի են, և ես կարծում եմ, որ ինքը պետք է խոսի»,- ասաց Դավիթ Տոնոյանը։
ԱԺ քննիչ հանձնաժողովի նախագահ Անդրանիկ Քոչարյանն արձագանքեց, որ եթե իրավական խոչընդոտներ չլինեն, նրան անպայման կհրավիրեն։
