Թուրքիայի Անթալիա քաղաքում ընթացող մարմնամարզության Եվրոպայի առաջնությունում Հայաստանի ներկայացուցիչներն այսօր երկու մեդալ են նվաճել:
Ինչպես տեղեկացնում են ԿԳՄՍՆ-ից, օլիմպիական խաղերի բրոնզե մեդալակիր Արթուր Դավթյանն այսօր հանդես է եկել նժույգթափերի վարժության եզրափակչում և հավաքելով 14,266 միավոր՝ բրոնզե մեդալ է նվաճել:
![Возможно, это изображение 1 человек](https://scontent.fevn7-1.fna.fbcdn.net/v/t39.30808-6/336649588_601979395142982_639558115530283149_n.jpg?_nc_cat=110&ccb=1-7&_nc_sid=730e14&_nc_ohc=YjIhHNcDwiQAX_bkPar&_nc_ht=scontent.fevn7-1.fna&oh=00_AfAYUsDZ5FpgJ4Xrg5t899BVufvmvNOj2hc_C_QBzCeU7w&oe=643FE257)
Հայաստանի մյուս ներկայացուցիչ Վահագն Դավթյանը Եվրոպայի փոխչեմպիոն է հռչակվել օղակների վարժությունում: Եզրափակչում նա հավաքել է 14,733 միավոր և դարձել արծաթե մեդալակիր: Այս վարժության եզրափակչում Հայաստանի մյուս ներկայացուցիչ Արթուր Ավետիսյանը 14,433 միավորով զբաղեցրել է 7-րդ հորիզոնականը:
![Возможно, это изображение 1 человек и текст «TURN»](https://scontent.fevn7-1.fna.fbcdn.net/v/t39.30808-6/336644713_1426827921423969_333062570269186868_n.jpg?_nc_cat=102&ccb=1-7&_nc_sid=730e14&_nc_ohc=VSqJSL3QYUgAX_nV_oh&_nc_ht=scontent.fevn7-1.fna&oh=00_AfCawikSvV_tG0E5hZ0AE1TsGZXvsuLlc60rtYsF1CoTbw&oe=64405D0D)
Վաղը՝ ապրիլի 16-ին, Արթուր Դավթյանը հանդես կգա հենացատկի եզրափակչում: Օրերս Դավթյանը Եվրոպայի առաջնության բազմամարտի մրցումներում 82.665 միավորով զբաղեցրել էր 4-րդ հորիզոնականը։