Վիճակագրական կոմիտեի Շիրակի մարզային վարչության պետ Անահիտ Մարգարյանի խոսքով՝ համավարակի պատճառով մարդահամարը 2 անգամ հետաձգվել է։ Այս տարի առաջին անգամ մարդահամարի համար օգտագործվելու է համակցված մեթոդը: Օգտվել են պետական ռեգիստրից եւ 25 տոկոս ընտրանքում հարցմունք է կատարվել, լրացվել են էլեկտրոնային հարցաթերթեր՝ պլանշետի միջոցով։ Դա նոր է մեզ մոտ։ Նախկինում թղթային հարցաթերթեր են լրացվել եւ համատարած բոլոր տնտեսություններ հաշվարարն այցելել է, բայց հիմա 25 տոկոսը ընտրանքը կատարվել է ավտոմատ կերպով՝ համակարգչի միջոցով, ըստ բնակավայրի, կարելի է ասել, ամեն չորրորդ տնային տնտեսությունը: