94 տարեկանում մահացել է ԽՍՀՄ Մինիստրների խորհրդի նախագահ, Հայաստանի Ազգային հերոս Նիկոլայ Ռիժկովը:

ԽՍՀՄ նախկին վարչապետ, նախկին սենատոր Ռիժկովի հուղարկավորության օրն ու վայրը դեռ որոշված չեն։

1971-1985 թվականներին Ռիժկովը զբաղեցրել է պետական և կուսակցական բարձր պաշտոններ: 1985-1991 թվականներին եղել ԽՍՀՄ Մինիստրների խորհրդի նախագահ։

1988 թվականի դեկտեմբերի 7-ին նշանակվել է Սպիտակի երկրաշարժի հետևանքների վերացման աշխատանքները համակարգող համամիութենական հանձնաժողովի նախագահ: Եղել է աղետի գոտում, կազմակերպչական աշխատանք կատարել բնակչությանն անհետաձգելի օգնություն ցույց տալու, ավերված բնակավայրերը վերականգնելու ուղղությամբ։

2008 թվականի դեկտեմբերի 5-ին արժանացել է «Հայաստանի ազգային հերոս» Հայաստանի բարձրագույն կոչման։