Միացյալ Թագավորությունը մտահոգություն է հայտնում Հայաստանի և Ադրբեջանի սահմանին տեղի ունեցած ռազմական գործողությունների հետևանքով քաղաքացիական բնակչության շրջանում զոհերի կապակցությամբ: Այս մասին ՄԱԿ-ի Անվտանգության խորհրդում Հայաստանի դեմ Ադրբեջանի զինված ագրեսիայի հարցով քննարկման ընթացքում հայտարարել է Մեծ Բրիտանիայի ներկայացուցիչը:
Նա նշել է, որ հակամարտությունը ռազմական լուծում չունի:
«Մենք մշտապես կոչ ենք արել, որ զինված ուժերը վերադառնան իրենց ելման դիրքեր: Դիվանագիտության, ՄԱԿ-ի կանոնադրության միջոցով միայն կարելի է ապահովել երկարաժամկետ խաղաղություն: Դա ակնհայտ դարձավ նաև Ադրբեջանի կողմից ռազմագերիների վերադարձի, ինչպես նաև Բրյուսելի բանակցությունների համատեքստում:
ՄԹ-ն կշարունակի աջակցել Վիեննայում և Բրյուսելի միջազգային գործընկերների դիվանագիտական ջանքերը՝ ապահովելու տարածաշրջանի ժողովուրդների համար կայունությունն ու անվտանգությունը»,- նշել է դիվանագետը:
