Դեկտեմբերի 18-ին, ժամը 17։05-ին Ճգնաժամային կառավարման ազգային կենտրոն ահազանգ է ստացվել, որ Կոտայքի մարզի Ջրվեժ-Ձորաղբյուր ավտոճանապարհին տեղի է ունեցել ՃՏՊ, բախվել են երկու ավտոմեքենա․ կան տուժածներ։
Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Ջրվեժ գյուղի 30-րդ փողոցում բախվել են Mercedes-Benz C180 (վարորդ` Գ. Ս.) և Opel Astra G (վարորդ` Վ. Շ.) մակնիշների ավտոմեքենաները։
Փրկարարները Opel Astra G մակնիշի ավտոմեքենայի ուղևորներ Ա․ Շ․-ին (ծնված 2015 թ․) և Մ․ Ա․-ին (ծնված 1992 թ․) մոտեցրել են շտապօգնության ավտոմեքենային․ վերջիններս հոսպիտալացվել են «Սուրբ Գրիգոր Լուսավորիչ» ԲԿ։
Փրկարարները հոսանքազրկել են ավտոմեքենանները և փակել գազի բալոնների փականները։
