Հեռուստատեսության և ռադիոյի հանձնաժողովը հոկտեմբերի 5-ին գումարեց հերթական նիստը։ Օրակարգում էր չորս հարց՝ «ԱՐԳՈՒՍ» ՍՊԸ հեղինակազորման հայտի վերաբերյալ: «ՅՈՒՔՈՄ» ՓԲԸ ցանցային օպերատորի գործունեության լիցենզիան վերաձևակերպելու հայտի վերաբերյալ։ «ԹԻՎԻ ՍԹԵՅՇՆ» ՍՊԸ ցանցային օպերատորի գործունեության լիցենզիան վերաձևակերպելու հայտի վերաբերյալ։ «Օտարերկրյա տեսալսողական ծրագրերում Հայաստանի Հանրապետության ներքաղաքական կյանքին միջամտության բովանդակության տարածման չարաշահման արգելքի չափորոշիչները սահմանելու մասին» Հեռուստատեսության և ռադիոյի հանձնաժողովի որոշման նախագծի վերաբերյալ։ Հաստատելով նիստի օրակարգը՝ Հանձնաժողովը որոշեց բավարարել «ԱՐԳՈՒՍ» ՍՊԸ-ի հայտը և հեղինակազորել Ընկերությանը՝ տալով տեսալսողական մեդիածառայություն մատուցողի կարգավիճակ։ Հաջորդիվ Հանձնաժողովը որոշեց բավարարել «ՅՈՒՔՈՄ» ՓԲ և «ԹԻՎԻ ՍԹԵՅՇՆ» ՍՊ ընկերությունների՝ լիցենզիաների վերաձևակերպման հայտերը։
ՀՌՀ-ն սահմանել է օտարերկրյա տեսալսողական ծրագրերում ՀՀ ներքաղաքական կյանքին միջամտության բովանդակության տարածման չարաշահման արգելքի չափորոշիչները
