Գյումրիում երթուղիները նոր միկրոավտոբուսներով համալրվելուն զուգահեռ թարմացվում են նաև քաղաքի կանգառները:Աշուղ Ջիվանի, Հովհաննես Շիրազ, Ավետիք Իսահակյան, Փարաջանով, Ազնավուր և այլք: Գյումրու 10 կանգառներում փակցվել են հայ մեծերի նկարները: Նրանցից 8-ը ծնունդով գյումրեցիներ են:Քանի որ տարին հոբելյանական է Փարաջանովի և Ազնավուրի համար, հետեւաբար ընտրվել են նաև նրանց դիմանկարները: Ինչպես կրթական, այնպես էլ զբոսաշրջային նպատակ է հետապնդում այս քայլը,- նշում է Գյումրու համայնքի ղեկավարի առաջին տեղակալ Լուսինե Սանոյանը:
Հուշող քարտեզներ՝ Գյումրու կանգառներում
