Անավարտ կյանք, կիսատ մնացած երազանքներ ու նպատակներ:Այսօր 44-օրյա պատերազմի հերոս Սիմոն Իվանյանի ծննդյան 22-ամյակն է: Սիմոն Իվանյանը ՇՄ-ի Բավրա համայնքից էր: Սիմոնի մասին հարազատները ներկայով են խոսում, ծնունդն էլ նշում՝ հոբելյարի ներկայությունը զգալով: Այս անգամ որդին տուն չէր եկել. նրանք էին գնացել որդուն այցի: Ծնողները ոչինչ չէին մոռացել ՝ Սիմոնի շիրիմը ողողել էին որդու սիրելի ծաղիկներով, հոբելյանական տորթն ու մոմերը նույնպես կային: Ծխացող խնկի, մայրական օրհնանքի ներքո, ի նշան խաղաղության, երկնքում թեւածում էին աղավնիները: