Հնդկաստանի ոստիկանությունը պնդում է, որ առնետները կերել են մոտ 200 կգ կանեփ, որը պահվել է ոստիկանական բաժանմունքներում՝ թմրանյութերի վաճառքով զբաղվողներից առգրավվելուց հետո:
Ուտար Պրադեշ նահանգի դատարանին ասվել է, որ առնետները, ըստ երևույթին, կերել են թմրանյութերի ամբողջ խմբաքանակը, գրում է Daily Mail-ը:
«Առնետները մանր կենդանիներ են, և նրանք չեն վախենում ոստիկանությունից։ Դժվար է թմրանյութը պաշտպանել դրանցից»,- BBC News-ի փոխանցմամբ՝ ասել է դատավորը:
Նա նաև առաջարկել է, որ առգրավված թմրանյութերը «անվախ առնետներից» պաշտպանելու համար վաճառել լաբորատորիաներին և դեղամիջոցներ արտադրողներին, իսկ հասույթն էլ փոխանցել կառավարությանը:
