Ադրբեջանի կողմից Արցախի նկատմամբ սանձազերծած լայնածավալ ռազմական գործողությունների ընթացքում հակառակորդը մեծ տրամաչափի զենքերից թիրախավորում է խաղաղ բնակչությանը: Այս մասին հոկտեմբերի 2-ին հրավիրված մամուլի ասուլիսի ընթացքում ասաց ՀՀ Պաշտպանության նախարարության ներկայացուցիչ Արծրուն Հովհաննիսյանը:
«Հակառակորդը թիրախավորում է խաղաղ բնակչությանը մեծ տրամաչափի զենքերից: Այսօր հեռահար հրթիռային միջոցներով հարված հասցրեցին երկու անգամ Հադրութ քաղաքին, երկու անգամ Ստեփանակերտ քաղաքին, որոնց հետևանքով տուժել են մեծ թվով խաղաղ բնակիչներ, շինություններ, քաղպաշտպանության ինստիտուտներ, ենթակառուցվածքներ: Թիրախավորվում են մեծ ու փոքր բնակավայրերը, ենթակառուցվածքները»,- ասաց Հովհաննիսյանը:
