Ես այցելեցի Ծիծեռնակաբերդ՝ հարգանքի տուրք մատուցելու Հայոց ցեղասպանության զոհերի հիշատակին։ Այս մասին Հայաստանում Չեխիայի դեսպան Պետր Պիրունչիկը գրել է X-ի իր միկրոբլոգում։
«Մենք հիշում ենք, համերաշխություն ենք հայտնում հայ ժողովրդին և վերահաստատում մեր նվիրվածությունը մարդկային արժանապատվությանը։ Ինչպես գրել է Կարել Հանսան՝ «Ես տեսա տառապող մարդկանց անվերջ քարավաններ…»»,- գրել է դեսպանը՝ մեջբերելով չեխ ճանապարհորդ և մարդասեր Կարել Հանսայի «Արևելքի սարսափները» գրքից, որտեղ հեղինակը վկայում է հայ ժողովրդի տառապանքների մասին։
