Գյումրու համայնքի վարչական տարածքում տեղական տուրքերի եւ վճարների 2023 թվականի դրույքաչափերը սահմանելու մասին ավագանու որոշման նախագիծը Գյումրու համայնքապետարանում ներկայացվել էր հանրային քննարկման: Գովազդի, առեւտրի եւ սպասարկման ոլորտի համակարգման բաժնի պետի տեղեկալ Վահան Ձվակերյանը ներկայացրեց այն փոփոխությունները, որոնք նախատեսվում է իրականացնել: Մասնավորապես համայնքի վարչական տարածքում տոնավաճառներին մասնակցելու համար համայնքի մատուցած ծառայությունների դիմաց փոխհատուցման վճար 2023-ից սահմանվելու է 200 դրամը` գործող 150 դրամի փոխարեն:
