Ուրախությամբ պետք է արձանագրեմ, որ 2023 թվականի հոկտեմբերի տվյալներով Հայաստանում գրանցված աշխատատեղերի նոր ռեկորդ ունենք։
Այս մասին կառավարության նիստի ժամանակ ասաց վարչապետ Նիկոլ Փաշինյանը։
«Մենք գերազանցել ենք 730․000 թիվը։ 2018 թվականի մայիսից ի վեր ՀՀ-ում ստեղծվել է շուրջ 183․000 նոր աշխատատեղ ու մեր տնտեսական դինամիկան ցույց է տալիս, որ այդ աշխատատեղերը կշարունակվեն ստեղծվել։
Մենք հույս ունենք, որ նաև ԼՂ-ից տեղահանված մեր քույրերին ու եղբայրներին աշխատաշուկայում և տնտեսական համակարգում լիարժեք ներգրավվելու արդյունքնում մեր այս դինամիկան նույնիսկ ավելի լավը կլինի»,- ասաց Նիկոլ Փաշինյանը։
