Ազատ ոճի ըմբշամարտի Հայաստանի պատանեկան հավաքականը Եվրոպայի առաջնությունում թիմային հաշվարկով զբաղեցրել է 2-րդ տեղը՝ զիջելով միայն ըմբշամարտի գերտերություն համարվող Ռուսաստանին: Այդ մասին տեղեկացնում է Հայաստանի ըմբշամարտի ֆեդերացիայի մանուլի ծառայությունը:
Մեր պատանի ըմբիշներ Անդրանիկ Ավետիսյանը (55կգ) և Արեն Իսրայելյանը (71 կգ) հաղթելով իրենց բոլոր մրցակիցներին, հռչակվել են Եվրոպայի չեմպիոն: 45 կգ քաշային Հայկ Գասպարյանը եզրափակիչում զիջել է իր մրցակցին և դարձել արծաթե մեդալակիր:
Սարգիս Բեգոյանը (48կգ), Տիգրան Բունիաթյանը (51 կգ), Անուշավան Բարսեղյանը (65 կգ) և Նարեկ Գրիգորյանը (80 կգ) հաղթել են փոքր եզրափակիչներում և արժանացել բրոնզե մեդալների:
