ՀՀ արտգործնախարարությունն անդրադարձել է Բելառուսի նախագահի՝ Հայաստանի վերաբերյալ աղմկահարույց հայտարարությանը։
«Համոզված ենք, որ Բելառուսի նախագահի աշխարհաքաղաքական ինքնատիպ վերլուծությունները նպատակ ունեն սպասարկելու առաջին հերթին սեփական ներքին քաղաքական օրակարգը և որևէ առնչություն չունեն Հայաստանի և նրա արտաքին քաղաքականության հետ»,- նշված է ՀՀ ԱԳՆ մամուլի խոսնակի ֆեյսբուքյան էջում։
Հիշեցնենք՝ Բելառուսի նախագահ Ալեքսանդր Լուկաշենկոն, Վլադիմիր Սոլովյովին տված հարցազրույցում անդրադառնալով Ռուսաստան-Բելառուս միութենական պետությանը, մասնավորապես նշել էր. «Հայաստանը փախչելու տեղ չունի… ինչ է, կարծում եք, նրանք ինչ-որ մեկին պե՞տք են…»։
