Կրակոցից դեպի երաժշտություն. Մարտունի կռիվը՝ հանուն կյանքի

Խաչատրյանների տանն ենք։ Ընտանիք, որը երկրին երկու զինվոր է տվել։ Մարտուն Խաչատրյանն ու եղբայրը՝ Հարությունը, 44-օրյա պատերազմի ժամանակ կռվի թեժ կետերում են եղել. չնայած Մարտունը այդ մասին պատմել չի սիրում ու համեստաբար լռում է։ Ինքը ընտանիքի ավագ զավակն է, մասնագիտությամբ երաժիշտ է, դուդուկահար։ Կռվի օրերի մասին լռում է, փոխարենը սիրած մասնագիտության ու ընտրած գործիքի մասին կարող է անվերջ խոսել։