Ուկրաինայի իշխանությունները ցանկանում են, որ Վրաստանում բացվի երկրորդ ճակատը՝ հայտարարել է իշխող «Վրացական երազանք» կուսակցության նախագահ Իրակլի Կոբախիձեն՝ արձագանքելով Վրաստանում Ուկրաինայի դեսպան Անդրեյ Կասյանովին: Ըստ ուկրաինացի դիվանագետի՝ Կիևը Թբիլիսիից «ավելի արդյունավետ օգնության» ակնկալիքներ ունի, որոնք կհամապատասխանեն ռազմավարական գործընկերության հայեցակարգին։
«Պարբերաբար հնչում են մեղադրանքներ, որ Ռուսաստանը պատժամիջոցները շրջանցելու համար մաքսանենգ ուղիներ է ստեղծում Վրաստանի տարածքով», որ Վրաստանը նույն միանշանակ դիրքորոշումը չունի, ինչ ԵՄ երկրներն ու ԱՄՆ-ն, որ Վրաստանը հրաժարվում է Ռուսաստանի նկատմամբ պատժամիջոցներից։ Կասյանովը ևս մեկ անգամ հաստատեց այն, ինչ երկար ժամանակ ասում էինք. Ուկրաինայի իշխանություններն ուղղակի ցանկություն ունեն, որ Վրաստանը դառնա երկրորդ ճակատ»,- ասել է Կոբախիձեն։
Թբիլիսին իր հերթին է քննադատում Կիևի դիրքորոշումը Վրաստանի գործողությունների վերաբերյալ։ Իշխող «Վրացական երազանք» կուսակցության նախագահը նույնիսկ ասել է, որ ուկրաինացի պաշտոնյաները պետք է «ավելի մեծ պատասխանատվությամբ» վերաբերվեն Վրաստանի հետ հարաբերություններին։
Նրա խոսքով՝ վրաց հասարակությունը պետք է դատի, թե որքանով է ճիշտ Ուկրաինայի իշխանությունների նման վերաբերմունքը։
