«Գյումրի համայնքի սոցիալական բնակարանների եւ մշակութային կենտրոնների վերանորոգում» սուբվենցիոն ծրագրի շրջանակում վերանորոգվում են Ստեփան Ալիխանյանի անվան տիկնիկային թատրոնի շենքը եւ տանիքը, նախահաշվային ընդհանուր 71,741,230 դրամ արժեքով, որից պետության համամասնությունը կազմում է 45%: Շիրակի մարզպետի գլխավորությամբ սուբվենցիոն ծրագրերի իրականացման վերահսկողության շրջանակներում տիկնիկային թատրոն են այցելել մարզային ու քաղաքային իշխանությունների ներկայացուցիչները, ծանոթացել շինարարության ընթացքին:
Լրագրողների հետ զրույցում Շիրակի մարզպետն ասաց՝ մարզում իրականացվող մեծածավալ շինարարությունը վերահսկվելու է մշտական այցելություններով, որպեսզի հատկացվող գումարը ծախսվի նպատակային եւ ժամկետների թերացումներ չլինեն:
