Հայաստանի Հանրապետության վարչապետ Նիկոլ Փաշինյանն այսօր` մարտի 9-ին, աշխատանքային այց է կատարել Արենի համայնք` հանդիպելով Խաչիկ բնակավայրի բնակիչների հետ։ Այդ մասին հայտնում են Արենիի համայնքապետարանից։
.jpg)
Վարչապետին ուղեկցել են ՀՀ տարածքային կառավարման և ենթակառուցվածքների նախարար Գնել Սանոսյանը, ՀՀ Վայոց ձորի մարզպետ Կոլյա Միքաելյանը և Արենի համայնքի ղեկավար Հուսիկ Սահակյանը։
Բնակիչները նախ շնորհակալություն են հայտնել բնակավայրի համար կարևոր որոշման` վարկերի ներման համար, ապա ներկայացրել իրենց առավել հուզող խնդիրները` տարբեր ոլորտներում։
Հիշեցնենք, որ Խաչիկ բնակավայրում 2 բնակիչ վարկ են վերցրել և ամբողջ գյուղին դարձրել են վարկի երաշխավորներ: Փաստի հետ կապված՝ քրեական գործ է հարուցվել:
Կառավարության որոշմամբ մարվել են նրանց վարկերի մայր գումարները։
