Եվրամիության առաքելությունը գրառում է կատարել X-ի իր միկրոբլոգում՝ տեղեկացնելով սահմանամերձ Խաչիկ գյուղում գյուղատնտեսական աշխատանքներին հետևելու մասին:
«Խաչիկ գյուղի ղեկավարի խնդրանքով՝ ԵՄ առաքելությունը հետևել է տեղի ֆերմերների գյուղատնտեսական աշխատանքներին` ամրապնդելու նրանց անվտանգության զգացումը: Մենք շարունակում ենք ամենօրյա պարեկությունը Ադրբեջանի հետ սահմանի հայկական կողմում, իրավիճակը հանգիստ է»,- ասված է գրառման մեջ։
