Թուրքիան փակել է Իրանի հետ սահմանին իր բոլոր անցակետերը իրանական բեռնատարների համար։ Այս մասին տեղեկացրել է Թուրքիայի՝ Իրանի հետ առևտրի զարգացման ասոցիացիայի ղեկավար Օզջան Ալաշը, փոխանցում է РИА Новости-ն:
Նրա խոսքով՝ այդ որոշումն ընդունվել է՝ ի պատասխան թուրքական բեռնատարների՝ Իրան մուտք գործելու արգելքին։
«Իրանի և Թուրքիայի միջև առևտրաշրջանառությունն ամբողջությամբ դադարեցվել է իրանա-ադրբեջանական սահմանին ստեղծված լարված իրավիճակի պատճառով»,- նշել է Ալաշը:
Նա հավելել է, որ իրավիճակը կարող է բացասաբար անդրադառնալ Թեհրանի և Անկարայի առևտրային հարաբերությունների վրա:
