Իսլամական հեղափոխության պահապանների կորպուսի հրամանատար գեներալ – մայոր Հոսեյն Սալամին հայտարարել է, որ Իրանն ունի 7000 կիլոմետր հեռահարության թռչող սարք։ Ինչպես հայտնում է Իրանի պետական լրատվական գործակալությունը` IRNA-ն, բարձրաստիճան զինվորականն այս մասին հայտարարել է կորոնավիրուսի դեմ իրանական արտադրության Noora պատվաստանյութի շնորհանդեսի ժամանակ։
Գեներալը նշել է, որ ԱԹՍ–ն օժտված է հնարավորությունների լայն սպեկտրով, այն կարող է վայրէջք կատարել ցանկացած վայրում։
ԱԹՍ–ների փորձարկման տեսանյութեր իրանական կողմը դեռ չի հրապարկել։
«Նման պատժամիջոցների պայմաններում այսքան զգալի առաջընթաց գրանցած երկիրը, անկասկած, անհավանական երկիր է», – ասել է Սալամին:
Ինչ վերաբերում է իրանական պատվաստանյութին, Իրանը հայտարարել է, որ պատրաստ է այն կիսել ցածր եկամուտ ունեցող երկրների, ինչպես նաև ԱՄՆ-ի հետ, եթե նրանք խնդիրներ ունենան իրենց բնակչության պատվաստման հետ կապված:
