Գյումրիում՝ Գարեգին Նժդեհի 9/3 հասցեի բնակիչները բարձրաձայնում են իրենց շենքի հարևանությամբ կառուցվող «Պարկ Գյումրի» թաղամասի կոյուղատար խողովակի անցկացման հետ կապված խնդիրը։ Նրանց խոսքով՝ խողովակի նախատեսվող ուղղությունը կարող է վտանգ ստեղծել շենքի հիմքերի ամրության համար, ուստի պահանջում են այն անցկացնել այլ ուղղությամբ։
Բնակիչներն այս հարցով դիմել են Գյումրու համայնքապետարանին և ՏԿԵ նախարարությանը։ «Պարկ Գյումրիից» հայտնում են, որ օրենքի որևէ պահանջ չեն շրջանցում, իսկ նախագիծն ունի համապատասխան շինթույլտվություն։