ՀՀ նախկին ՊՆ նախարար, գեներալ մայոր Արշակ Կարապետյանը ֆեյսբուքյան իր էջում տեսանյութ է հրապարակել, որում հայտարարել է, որ Արցախում տեղի ունեցած ողբերգական իրադարձությունները Հայաստանի ղեկավարության թուլամորթության և դավաճանության հետևանքն են։ Նա նաև ընդգծել է, որ հեռացվել է ՊՆ նախարարի պաշտոնից, քանի որ ինքը հրաման է տվել կրակ բացել պետական սահմանի խախտման դեպքում։
Կարապետյանի խոսքով՝ եթե ոչ այսօր, ապա վաղը թշնամին նորից կանցնի հարձակման՝ նրա նպատակն է գրավել Հայաստանը։
«Վերոնշյալի կապակցությամբ ես որոշեցի՝ առաջին՝ հայտարարել քաղաքական իմ գործունեություն մասին։ Երկրորդ՝ ստեղծել Հայաստանը ներքին և արտաքին թշնամիներից ազատագրելու քաղաքական շարժում, որին կարող եք միանալ նաև դուք։ Երրորդ՝ ստեղծել հուսալի և անվտանգ համակարգ Հայաստանի պետականության պահպանման և բարգավաճման համար»,- եզրափակել է նա։
