Թուրքական ռազմական պատվիրակությունը բանակցություններ է վարում ԱՄՆ-ում F-16 կործանիչների ձեռքբերման համար: «ՌԻԱ Նովոստի»-ի փոխանցմամբ՝ այս մասին հայտարարել է Թուրքիայի պաշտպանության նախարար Հուսուլի Աքարը:
Թուրքիայի նախագահ Ռեջեփ Թայիփ Էրդողանը հայտարարել է, որ իր ամերիկացի գործընկեր Ջո Բայդենն իրեն խոստացել է ջանքեր գործադրել, որպեսզի համոզի ԱՄՆ Սենատին F-16-երի վաճառքի հարցում:
«Թուրքական ռազմական պատվիրակությունն ուղևորվել է ԱՄՆ F-16 կործանիչների մոդեռնիզացման և մատակարարումների հարցով բանակցությունների: Կարծում ենք, որ ամերիկյան ղեկավարությունը դրական կգնահատի այս հարցը: Եթե արձագանքը բացասական լինի, ապա Թուրքիան ստիպված կլինի այլընտրանքներ փնտրել իր անվտանգության ապահովման համար»,- ասել է Աքարը խորհրդարանի նիստում:
