«Կարծում եմ՝ քիչ հավանական է, բայց Ընտրական նոր օրենսգրքի շուրջ քննարկումները, աշխատանքները շարունակվում են: Ես չեմ բացառում, որ մենք հընթացս կունենանք ԱԺ արտահերթ նիստ, որի ընթացքում քննարկենք, քվեարկենք նոր Ընտրական օրենսգիրքը»,- հայտարարել է ԱԺ փոխնախագահ Ալեն Սիմոնյանը՝ անդրադառնալով ընտրական օրենսգրքում հնարավոր փոփոխություններին: Սիմոնյանի խոսքով՝ ցանկալի է, որ ռեյտինգային ընտրակարգը չլինի: «Բայց ես պատրաստ եմ ՀՀ յուրաքանչյուր ընտրատարածքում որպես ռեյտինգային թեկնածու առաջադրվել»,- ասաց նա:
Սիմոնյանը վստահեցրեց, որ արտահերթ ընտրություններում իրավապահները թույլ չեն տա ընտրակաշառք բաժանել, նաև նախկին քսան տարվա ընթացքում կիրառված հնարքներ կիրառել:
