Զելենսկին մեկնել է Հիրոշիմա՝ մասնակցելու Յոթի խմբի գագաթնաժողովին

20.05.2023 - 13:03 դիտում

Ուկրաինայի նախագահ Վոլոդիմիր Զելենսկին Ջիդայում Արաբական երկրների լիգայի գագաթնաժողովից հետո մեկնել է Ճապոնիա՝ մասնակցելու Յոթի խմբի գագաթնաժողովին: Լրատվամիջոցները հայտնում են, որ նա Հիրոշիմա է ուղևորվել Ֆրանսիայի կառավարական ինքնաթիռով։

Զելենսկին հայտարարել է, որ նախատեսում է կարևոր քննարկումներ անցկացնել գործընկերների հետ՝ անվտանգային մի շարք հարցերի և Յոթնյակի երկրների հետ գործակցության ամրապնդման շուրջ։

Ավելի վաղ Ուկրաինայի նախագահի աշխատակազմի ղեկավար Անդրիյ Երմակը տեղեկացրել էր, որ Զելենսկին մտադիր է Հիրոշիմայում հանդիպել ԱՄՆ նախագահ Ջո Բայդենի հետ։ Նրա խոսքով՝ ղեկավարները կանդրադառնան Միացյալ Նահանգներում ուկրաինացի օդաչուների ուսուցմանը, որ վերջիններս կարողանան ղեկավարել ամերիկյան F-16 կործանիչները։

0 մեկնաբանություն
0

ՆՄԱՆԱՏԻՊ ՀՈԴՎԱԾՆԵՐ